संजीवनी परिवार

संजीवनी परिवार ही वसईतील सामवेदी ब्राह्मण युवकांनी सुरु केलेली सामाजिक संस्था. भुईगाव ते आगाशी या परिसरात पसरलेल्या बारा गावातील सामवेदी समाज हे संस्थेचे कार्यक्षेत्र.

एकेकाळी शेतीबरोबरच दुग्धव्यवसाय हे उदरनिर्वाहाचे मुख्य साधन असलेला समाज आज वेगवेगळी क्षेत्र धुंडाळताना दिसत आहे. सामाजिक ऐक्य व संपन्न सांस्कृतिक परंपरा ही समाजाची बलस्थानं. जागतिकीकरण, बाजारपेठीय अर्थकारण व सर्वच क्षेत्रांत असलेल्या स्पर्धेला समर्थपणे तोंड देणारे सामाजिक वातावरण निर्माण करण्यासाठी संजीवनी परिवाराची स्थापना झाली. शैक्षणिक, सामाजिक प्रबोधन, आरोग्य, पर्यावरण आणि उद्योजकता या विषयी समाज अधिक सजग करण्याचा संजीवनी परिवाराचा ध्यास!